काठमाडौं । ज्योति विकास बैंकको लाभांश सुरक्षित गर्ने आज (मंगलबार) अन्तिम दिन रहेको छ ।
यस कम्पनीको साधारण सभा र लाभांश वितरण प्रयोजनको लागि पुस २९ गते बुक क्लोज गरेसँगै आजसम्म शेयर कायम गर्नुपर्ने हुन्छ ।
कम्पनीले आर्थिक वर्ष २०७६/७७ को मुनाफाबाट शेयरधनीलाई १० प्रतिशत बोनस शेयर वितरण गर्ने प्रस्ताव गरेको छ ।
उक्त प्रस्ताव पारित गर्नका लागि माघ १४ गते साधारण सभा गर्ने भएको छ ।
साथै, यस सभाले अन्य बैंक तथा वित्तीय संस्थासँग गाभ्ने गाभिने सम्बन्धी सम्पूर्ण कार्य गर्न संञ्चालक समितिलाई अख्तियारी प्रदान गर्ने प्रस्ताव पारित गर्नेछ ।
हाल कायम ५४.३५ प्रतिशत संस्थापक हिस्सालाई घटाएर ५१ प्रतिशत कायम रहने गरी बाँकी शेयरलाई सर्वसाधारणमा परिवर्तन गर्ने एजेण्डा रहेको छ ।
