काठमाडौं । सिद्धार्थ बैंकको लाभांश सुरक्षित गर्ने आज (सोमबार) अन्तिम दिन रहेको छ ।
यस कम्पनीले साधारण सभा र लाभांश वितरण प्रयोजनको लागि मंगलवार बुक क्लोज गर्ने भएकाले सोमवारसम्म शेयरधनीले शेयर कायम गर्नुपर्ने भएको हो ।
कम्पनीले आर्थिक वर्षको मुनाफाबाट शेयरधनीलाई यसवर्ष १२ प्रतिशत बोनस शेयर र ३ प्रतिशत नगद गरी कूल १५ प्रतिशत लाभांश वितरण गर्ने प्रस्ताव गरेको हो ।
उक्त प्रस्ताव पारितका लागि कम्पनीले माघ १६ गते साधारण सभा हुने छ । सभाले पारित गरेपछि शेयरधनीले प्राप्त गर्ने छन् ।
