काठमाडौं । रसुवागढी हाइड्रोपावर कम्पनीको आठौं वार्षिक साधारणसभा पुस २० गते हुने भएको छ ।
सभामा आर्थिक वर्ष २०७६/७७ को वासलात, नाफा–नोक्सान र नगद प्रवाहमाथि छलफल हुनेछ । सभा चिलिमे हाइड्रोको सभाहल धुम्बाराही काठमाडौंमा ११ बजे हुने कम्पनीले जनाएको छ ।
यस कम्पनीको आर्थिक वर्ष २०७७/७८ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।
सभा प्रयोजनका लागि कम्पनीले पुस १२ गते बुक क्लोज गर्नेछ । पुस ११ गतेसम्म कायम सेयरधनी सभामा भाग लिन सक्नेछन् ।
