काठमाडौं । मितेरी डेभलपमेन्ट बैंकले लाभांश प्रस्ताव गरेको छ ।
बैंकको शुक्रबार बसेको संचालक समितिको बैठकले आर्थिक वर्ष ७६/७७ को मुनाफाबाट वितरण गर्ने लाभांश प्रस्ताव गरेको हो ।
बैंकको हाल कायम चुक्ता पुँजीको १५ प्रतिशतको दरले १० करोड ४० लाख ५ हजार ६ सय ८७ रुपैयाँ ५० पैसा बोनस शेयर र कर प्रयोजनको लागि समेत गरी ०.७९ प्रतिशतले ५४ लाख ७३ हजार ९ सय ८३ रुपैयाँ ५६ पैसा नगद गरि कुल १५.७९ प्रतिशत लाभांश वितरण गर्ने प्रस्ताव गरेको हो ।
उक्त प्रस्तावित लाभांश नेपाल राष्ट्र बैंकले स्वीकृति दिएपछि र बैंकको आगामी साधारणसभाले पारित गरेपछि वितरण हुने छ ।
