काठमाडौं । नेपाली बजारमा आज (बुधबार) सुनको मूल्य तोलामा ९०० रुपैयाँले बढेको छ । 

हिजो (मंगलबार) ९५ हजार ४०० रुपैयाँमा कारोबार भएको सुन आज (बुधबार) ९६ हजार ३०० कायम भएको हो । 

नेपाल सुनचाँदी व्यवसायी महासंघका अनुसार आज तेजाबी सुनको मूल्य पनि तोलामा ९०० रुपैयाँले उकालो लागेको छ । 

हिजो ९४ हजार ९०० मा कारोबार भएको तेजाबी सुन आज ९५ हजार ८०० रुपैयाँमा कारोबार भइरहेको छ। 

चाँदीको मूल्य भने मंगलबारको तुलनामा पाँच रुपैयाँ मात्र घटेको छ । 

आज चाँदी प्रतितोला एक हजार २०५ रुपैयाँमा कारोबार भइरहेको छ ।