काठमाडौं । नेपाली बजारमा सुनको मूल्यमा गिरावट आएको छ ।
दसैंपछि खुलेको बजारमा सुन तोलामा एक हजार रुपैयाँ घटेको हो ।
आज (बिहीबार) का लागि छापावाल सुनको मूल्य प्रतितोला ९४ हजार ७०० रुपैयाँ तोकिएको नेपाल सुनचाँदी महासंघले जनाएको छ ।
यसअघि कात्तिक ६ गते सुन प्रतितोला ९५ हजार ७०० रुपैयाँमा कारोबार भएको थियो ।
त्यसपछि आजमात्रै नयाँ मूल्य तोकिएको हो । तेजावी सुन भने आज तोलामा ९४ हजार २०० रुपैयाँमा कारोबार भइरहेको महासंघले जनाएको छ ।
आज चाँदी तोलामा ११८० रुपैयाँमा कारोबार भइरहेको छ ।