काठमाडौं । नेपाली बजारमा पछिल्लो केही दिनयता सुनको मूल्यमा सामान्य घटबढ (उतारचढाव) हुने क्रम जारी छ ।
यसैबीच, आज (बिहीबार) पनि सुनको मूल्यमा सामान्य गिरावट आएको छ । अघिल्लो दिनको तुलनामा सुनको मूल्य प्रतितोला २०० रुपैयाँले घटेको हो ।
हिजो (बुधबार) पनि सुनको मूल्य मंगलबारको तुलनामा ८०० रुपैयाँले घटेको थियो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ९३ हजार ९०० रुपैयाँमा कारोबार भएको छ ।
यसअघि बुधबार सुनको मूल्य तोलामा ९४ हजार १०० रुपैयाँमा कारोबार भएको थियो ।
यस्तै आज तेजावी सुन तोलामा ९३ हजार ४०० रुपैयाँमा कारोबार भएको छ ।
आज चाँदी तोलामा एक हजार १८० रुपैयाँमा कारोबार भएको छ । बुधबार चाँदी तोलामा एक हजार १७५ रुपैयाँमा कारोबार भएको थियो ।
