काठमाडौं । आज (बिहिबार) सुनको मुल्य सामान्य वृद्धि भएको छ ।
नेपाल सुनचाँदी व्यवसायी महासंघका अनुसार आज सुनको मूल्य तोलामा ४०० रुपैयाँले बढेर प्रतितोला ९६ हजार ८ सय रुपैयाँमा कारोबार भइरहेको छ ।
हिजो (बुधबार) सुन तोलाको ९६ हजार ४०० रुपैयाँमा कारोबार भएको थियो ।
त्यस्तै आज (बिहीबार) तेजावी सुन प्रतितोला ९६ हजार ३०० रुपैयाँमा कारोबार भइरहेको छ ।
त्यसैगरी आज चाँदीको मूल्यमा पनि सामान्य वृद्धि भएको छ ।
आज चाँदीको मूल्य तोलामा १० रुपैयाँले बढेर १३ सय २५ रुपैयाँमा कारोबार भइरहेको महासंघले जनाएको छ ।
