सुनको मूल्य मंगलबार पुनः प्रतितोला एक लाखभन्दा माथि उक्लिएको छ ।
आइतबार र सोमबार लगातार घटेको सुनको मूल्य मंगलबार प्रतितोला दुई हजार २०० रुपैयाँले बढेर एक लाखभन्दा माथि पुगेको हो ।
नेपाल सुनचाँदी व्यवसायी महासंघका अनुसार आज (मंगलबार) नेपाली बजारमा छापावाल सुनको मूल्य प्रतितोला एक लाख ४०० तोकिएको छ ।
त्यस्तै तेजाबी सुनको मूल्य प्रतितोला ९९ हजार ९०० रुपैयाँ तोकिएको महासंघले जनाएको छ ।
सोमबार छापावल सुन प्रतितोला ९८ हजार २०० र तेजाबी सुन प्रतितोला ९७ हजार ७०० रुपैयाँमा खरिदबिक्री भएको थियो ।
यसका साथै चाँदीको मूल्य पनि तोलामा ६५ रुपैयाँले बढेर प्रतितोला एक हजार ३८० रुपैयाँ कायम भएको छ ।
अन्तर्राष्ट्रिय बजारमा समेत सुनको मूल्य सामान्य बढेका कारण नेपाली सुन बजारमा यसको प्रभाव परेको हो ।
