काठमाडौं । विश्वभर फैलिएको कोरोना भाइरसका कारण देशका विभिन्न नागरिकमा समस्या परेको भन्दै लकडाउन अवधिसम्म व्याज मिनाहादेखि विभिन्न विषयमा सहज बनाउन उद्योग वाणिज्य सङ्घ ललितपुरले आग्रह गरेको छ । चीनको वुहान प्रान्तबाट फैलिएको कोरोनाले नेपालमा पनि दिनप्रति दिन प्रभाव प्रदै गएको छ ।
यस्तै, विश्वव्यापी महामारीको रूपमा फैलिएको कोरोनाका कारण उद्योग व्यवसायसहित समग्र आर्थिक क्षेत्रमा ठुलो प्रभाव परेको भन्दै उद्योग वाणिज्य सङ्घले एक विज्ञप्ति जारी गर्दै सो आग्रह गरेको हो ।
उक्त विज्ञप्तिमा लकडाउन अवधिसम्मको व्याज मिनाहा, साना करदाताहरूले बुझाउन आयकरमा शतप्रतिशत मिनाहा गर्नुका साथै अन्य करदाताहरूको हकमा आयकरमा ५० प्रतिशत छुटको व्यवस्था, लकडाउनको कारणले कच्चा पदार्थको म्याद गुज्रेमा सम्बन्धित पक्षलाई विशेष सुविधा वा राहतको व्यवस्थाको माग गरिएको छ ।
प्रेस विज्ञप्तिको पूर्ण पाठ :
विश्वव्यापी महामारीको रूपमा फैलिएको कोरोना भाइरस (कोभिड १९) का कारणले उद्योग व्यवसाय सहित समग्र आर्थिक क्षेत्रमा गहिरो प्रतिकूल प्रभाव पारिसकेको छ । यस महामारीले गर्दा हामी निजी क्षेत्रलाई अत्यन्त चिन्तित तुल्याएको छ । यस राष्ट्रिय विपतबाट पार पाउन हामी निजी क्षेत्र लगायत सबैले साझेदारी र हातेमालो गरी यस कठिन परिस्थितिको सामना गर्नु पर्ने आवश्यकता देखिन्छ । यस्तो विषम परिस्थितिबाट देशको अर्थतन्त्रलाई पुनर्जागरण र चलायमान गर्न नेपाल सरकारले पनि अन्य राष्ट्रहरूले जस्तै नै विभिन्न राहतका प्याकेजहरू ल्याएको छ । निजी क्षेत्रसँग सरसल्लाह विना नै राज्यले ल्याएको राहत कार्यक्रमहरूबाट उद्योग व्यवसाय क्षेत्रको पुनरुत्थानमा कुनै ठोस सहयोग नगर्ने स्पष्ट छ । त्यस कारण राज्यले अल्पकालीन र दिर्धकालिन आवश्यक राहतका कार्यक्रमहरू ल्याई ठोस निर्णयहरू गरी सशक्त कदम चाल्न अत्यन्त जरुरी देखिन्छ ।
सरकारले गरेको लकडाउनलाई निजी क्षेत्रले समर्थन र सहयोग गर्दै संक्रमण फैलन नदिनका लागि राज्यलाई सहयोग गर्न निजी क्षेत्र सदैव तयार रहेको छ । ललितपुर उद्योग वाणिज्य सङ्घले आफ्नो सामर्थले भ्याएसम्म लकडाउनबाट प्रभावित सर्वसाधारणलाई राहत सामाग्री वितरणका लागि ललितपुर जिल्लाको तीन वटै स्थानीय निकायलाई विविध खाद्य सामाग्री हस्तान्तरण गरेको छ भने संघकै अनुरोधमा यस्तो प्रकोपको समयमा पनि बजारमा अत्यावश्यक वस्तु तथा सेवाको वितरण तथा आपूर्ति सहज गर्न सहयोगीको भूमिका निर्वाह गर्ने सम्पूर्ण व्यवसायीहरूलाई “आफू पनि बचौँ अरूलाई बचाऔँ” भन्दै सङ्घ उनीहरूको योगदानका लागि हार्दिक आभार व्यक्त गर्दछु ।
महिनौँ सम्मको लकडाउनका कारण पुँजीको तरलतामा गम्भीर असर परेको छ । यस्तो अवस्थामा लकडाउन खुल्ला गरे पश्चात् निजी क्षेत्रले आफ्ना कर्मचारी तथा मजदुरको पारिश्रमिक, बैङ्क तथा वित्तीय संस्थाबाट लिएको ऋणको व्याज र किस्ता, घर तथा गोदामको भाडा, कर राजश्वको भुक्तानी गर्न सक्ने अवस्था रहन्न । अतः यस्तो विषम परिस्थितिको सामना निजी क्षेत्र एक्लैले गर्न सक्दैन । यस्तोमा राज्यले ठुला ठुला राहतका कार्यक्रम ल्याएर निजी क्षेत्रलाई बचाउनु पर्दछ । अन्यथा राज्यको अर्थतन्त्र नै धरापमा पर्ने निश्चित छ ।
यो यथार्थलाई यथाशक्य चाँडो मनन गर्दै आर्थिक क्षेत्रलाई जोगाउन राज्यले अभिभावकको भूमिका निर्वाह गर्दै ललितपुर जिल्लाको निजी क्षेत्रको एक मात्र छाता सङ्गठनको रूपमा रहेको यस ललितपुर उद्योग वाणिज्य सङ्घको निम्न अल्पकालीन र दिर्धकालिन राहतका विषयमा तत्कालै राज्य एवं सम्बन्धित निकायको ध्यानाकर्षण गराउन चाहन्छौँ ।
अल्पकालीन रूपमा गर्नु पर्ने सुझाव
दीर्घकालीन रूपमा गर्नु पर्ने सुझाव
कृष्ण लाल महर्जन
अध्यक्ष
