ओखलढुगां । मानेभञ्ज्याङ गाउँपालिका– ४ केत्तुकाका जनप्रतिनिधिले आफूले खाजा खर्चबापत पाउने रकमबाट विपन्नलाई खाद्याय पदार्थ सहयोग गरेका छन् ।
वडाध्यक्ष र सदस्यले आफूले नेपाल सरकारबाट खाजा तथा सवारी खर्च शीर्षकमा पाउने तीन महिनाको रकमले स्थानीय अतिविपन्न तथा श्रमिक ९५ परिवारलाई खाद्य पदार्थ सहयोग गरेका हुन् ।
वडाका विपन्नलाई प्रतिपरिवार ३० केजी चामल, दाल, नुन, तेलसहितका दैनिक उपभोग्य सामग्री वितरण गरिएको वडाध्यक्ष सन्तबहादुर तामाङले जानकारी दिए ।
तामाङसहित सदस्य नवीन राई, टंकप्रसाद राई, सरिता तामाङ र सुन्तली विकले आफूले पाउने रकम जम्मा गरेर गाउँलेका लागि राहत दिए ।
