अर्थमन्त्री युवराज खतिवडाले शेयरबजारको उतारचढावसँग आफूलाई नजोड्न आग्रह गरेका छन् ।
सञ्चार तथा सूचना प्रविधिमन्त्रीसमेत रहेका खतिवडाले मन्त्रालयमा भएको पत्रकार सम्मेलनमा उनले व्यक्तिको अनुहार हेरेर भन्दा पनि पुँजीबजारमा कम्पनी हेरेर लगानी गर्न आग्रह गरेका छन् ।
साथै, उनले लगानीकर्ताले बैंको नीति समस्या भए बसेर कुरा गर्न सकिने, तर नेप्सेको उतारचढाव कसैसँग जोडेर हेर्नु उपयुक्त नहुने बताए ।
उनले लगानीकर्तालाई सरकारले लगानी गर्ने अवसर मिलाइने, तर अरु जोखिम लागानीकर्ता स्वयंले लिनुपर्ने बताए ।
राष्ट्रियसभा सदस्यको म्याद सकिएसँगै पुनः अर्थ मन्त्री भएको भोलिपल्टै खतिवडाले यस्तो बताएका हुन् ।
अर्थमन्त्री खतिवडा राष्ट्रिय सभा सदस्यको म्यादस सकिने र अर्थमन्त्रीबाट पनि हट्ने सम्भावना भई सेयर बजार बढेको थियो ।
यद्यपि, उनी आउने संकेतसँगै घट्न थालको सेयर बजार हिजो पूरै घटेको बजार आज हिजोको तुलनामा केही सुधार भएको छ ।
