काठमाडौं । वैदेशिक रोजगारीका क्रममा ज्यान गुमाएका २४ जना नेपालीको शव शुक्रबार नेपाल ल्याइँदैछ।
कतारबाट मात्रै २० वटा शव ल्याइँदैछ । त्यस्तै कुवेतबाट दुई वटा, साउदी अरब र यूएईबाट एक एक वटा शव ल्याइने भएको छ ।
कतारबाट कतार एयरवेजले ४३ जना नेपाली र २० वटा शव लिएर काठमाडौं आउनेछ । उनीहरुलाई कतार सरकार आफैँले नेपाल पठाउन लागेको हो ।
जजिरा एयरलाइन्सले कुवेतबाट दुई वटा शव, हिमालयन एयरलाइन्स र नेपाल एयरलाइन्सले साउदी र यूएईबाट एक एक वटा शव काठमाडौँ ल्याउँदैछ ।
कोरोना भाइरसको महामारीपछि अन्तर्राष्ट्रिय उडान ठप्प हुँदा शव रोकिएका थिए ।
साउदीको दमामबाट १५३ यात्रु र एउटा शव लिएर हिमालय एयरलाइन्स काठमाडौं अवतरण गर्नेछ ।
करिब १५० यात्रु लिएर कुवेतबाट जजिरा एयरलाइन्सको जहाज र दुबईबाट १५० यात्रु लिएर नेपाल एयरलाइन्सको जहाज शुत्रबार दिउँसो १ बजे काठमाडौं आइपुग्दैछन् ।
