एजेन्सी । भारतमा लकडाउनको अवधि लम्बिएको छ ।
भारतीय प्रधानमन्त्री नरेन्द्र मोदीले देशवासीको नाममा सम्बोधन गर्दै लकडाउनको अवधि थप गर्ने घोषणा गरेका हुन् ।
मोदीले मे ३ सम्म लकडाउन बढाउने घोषणा गरेका हुन् । उनले लकडाउनलाई कडाइका साथ लागू गर्ने समेत बताएका छन् ।
मोदीले गरे सात अनुरोध
- आफ्ना घरका वृद्ध-वृद्धाको विशेष ध्यान राख्न ।
- लकडाउनको पूरा पालन गर्न । मास्क प्रयोग गर्न ।
- इम्युनिटी पावर बढाउने खानेकुरा सेवन गर्न ।
- 'आरोग्य सेतु' मोबाइल एप डाउनलोड गर्न ।
- गरिब परिवारको रेखदेख गर्न तथा खाना दिन ।
- आफ्नो उद्योग व्यवसायमा कार्यरत कर्मचारीहरुलाई जागिरबाट ननिकाल्न ।
- कोरोना भाइरसविरुद्ध अग्रपंतिमा रहेर काम गर्ने योद्धाहरु (स्वास्थ्यकर्मी, सुरक्षा कर्मचारी) हरुको सम्मान तथा गौरव गर्न माेदीले सबै देशवासीलाइ अनुरोध गरेका छन् ।
माेदीकाे सम्बोधन
