महिलाहरुले मोटरसाइकल वा स्कुटर चलाएर हिँडेको दृश्य त्यति नौलो होइन। तर, २२ वर्षीया रोशनी मिसबाह फरक छिन् । उनी हिजाब लगाएर बाइक कुदाउँछिन् । आफुलाई सानैदेखि बाइक कुदाउने बानी परेको उनी बताउँछिन् ।
रोशनीको परिवारले सुरुमा उनलाई बाइक कुदाउनबाट रोक्न धेरै प्रयत्न गर्यो । रुढीवादी मुस्लिम परिवारमा आफ्नै आफन्तबाट उनले विरोध सामना गरिन् । तर उनका बुबाले भने सानैदेखि छोरीको सौखमा ध्यान दिएका थिए ।
‘मेरा आफन्तले मेरो बुवालाई छोरीलाई मोटरसाइकल किन्नहुँदैन भनेर भन्थे । मोटरसाइकल केटीका लागि होइन भन्ने उनीहरुको मान्यता थियो । तर, वुवाले कसैको सुन्नुभएन र मलाई किन्न दिनुभयो । उहाँले सधै मलाई साथ दिदैं आउनुभएको छ । ’
हरेक दिन बाटोमा मोटरसाइकल कुदाउँदा बाटोमा मान्छेहरु उनलाई देखेर छक्क पर्छन् । ‘मैले कहिले पनि अरुले के सोँच्छन् भन्ने ध्यान दिइँन । म हिजाब लगाएर बाइक चलाउँछु किनभने म मेरो इच्छा र धर्म दुवैलाई मान्छु ।’ उनी अहिले अरब इस्लामिक संस्कृतिबारे अध्ययन गरिरहेकी छिन् ।
धेरैले उनको यो सहासका तारिफ पनि गरेका छन् । ‘पहिले त मेरा कलेजका साथी पनि मैले हिजाब लगाएर बाइक चलाएको देख्दा दंग पर्थे,’ उनी भन्छिन्, ‘तर अहिले उनीहरु यसको तारिफ गर्छन् । मैले मेरा अन्य केटी साथीहरुलाई पनि बाइक चलाउन सिकाएकी छु ।’
