नेपालले पपुवा न्युगिनीलाई २९८ रनको उच्च चुनौती प्रस्तुत गरेको छ ।आइसीसी विश्वकप लिग २ त्रिकोणात्मक ओडिआई सिरिजमा नेपालले २९७ रन बनाएको हो ।
यो नेपालको ओडिआईमा सर्वाधिक स्कोर हो ।यसअघि नामिवियाविरुद्धको खेलमा नेपालले २८७ रन बनाएको थियो ।
कीर्तिपुरस्थित त्रिभुवन विश्वविद्यालयको घरेलु मैदानमा भएको खेलमा टस हारेर नेपालले ब्याटिङको निम्ता पाएको थियो ।
नेपालले ५ बल बाँकी छँदा सबै विकेट गुमाएर २९७ रन बनाएको हो ।
नेपालका लागि ओपनर आसिफ शेखले शतकीय पारी खेल्दै ११० रनको योगदान गरे । कुशल भुर्तेलसँग ११० रनको साझेदारी भएको थियो । कुशल ४५ रनमा आउट भए ।
नेपालका लागि भीम सार्कीले ४४ , कप्तान रोहित पौडेलले ३० रन बटुले । ज्ञानेन्द्र मल्लले ११, करण केसीले ८,आरिफ शेखले ७, सन्दीप लामिछानेले ७ , कुशल मल्लले २, सोमपाल कामी ४ रनमा आउट भए ।
पीएनजीका सेमो कमियाले ५,राइली हेकुरेले ३ विकेट लिए ।
नेपाल ३२ खेलमा १५ मा जित र १५ मा हारसहित ३२ अंकका साथ पाँचौँ स्थानमा छ । नेपालले अब दुई खेल जिते ३६ अंक हुनेछ । दुई जित हात पारे शीर्ष पाँचमा पर्दै ओडिआई मान्यता जोगिनेछ।
