इन्डियन प्रिमियर लिग (आईपीएल) टि-२० क्रिकेटमा सनराइजर्स हैदरावादले दिल्ली क्यापिटल्सलाई जितका लागि १३५ रनको मध्यम लक्ष्य दिएको छ ।
दुबई अन्तर्राष्ट्रिय क्रिकेट मैदानमा टस जितेर पहिले ब्याटिङ गरेको हैदरावादले निर्धारित २० ओभरमा ९ विकेट गुमाएर १३४ रन बनायो ।
हैदरावादका लागि अब्दुल सहमदले सर्वाधिक २८ रन बनाए ।
उनले २१ बलमा २ चौका र १ छक्का प्रहार गरे । त्यस्तै, रासिद खानले २२, रिद्धिमान शाहले १८ र मनिस पाण्डेले १७ रन बनाए। दिल्लीका ३ खेलाडी रन आउट भएका थिए ।
बलिङतर्फ दिल्लीका लागि अरिच नोर्टे र अक्षर पटेलले समान दुई/दुई विकेट लिए ।
दिल्ली ८ खेलबाट १२ अंक जोडेर तालिकाको दोस्रो स्थानमा छ ।
शीर्ष स्थानमा रहेको चेन्नइ सुपर किंग्सको पनि १२ अंक छ ।
हैदरावाद ७ खेलबाट २ अंक जोडेर तालिकाको पुछारमा छ ।
