दुई वर्ष क्याटलान क्लब बार्सिलोना बसाईपछि फ्रान्सेली फरवार्ड एन्टोइन ग्रिजम्यान ला लिगा च्याम्पियन एट्लेटिको म्याड्रिडमा फर्किएका छन् ।
ग्रिजम्यान लोनमा पुनः आफ्नो पुर्व क्लब एट्लेटिको फर्किएका हुन् । ग्रिजम्यान २०१९ मा १२० मिलियन युरोमा क्याटलान क्लब बार्सिलोना पुगेका थिए । तर, दुई वर्षपछि नै ग्रिजम्यान एट्लेटिको फर्किएका हुन् ।
उनले एथ्लेटिकोका लागि २५७ खेलमा १३३ गोल गरेका यसअघिको बसाईमा । एथ्लेटिको मड्रिडले एक वर्षका लागि लोनमा ल्याएका ग्रिजम्यानको पारिश्रमिक तिर्नु पर्ने छ भने अर्को वर्ष अनिवार्य रुपमा उनलाई स्थायी अनुबन्धित गर्नु पर्ने छ ।
बार्सिलोनामा ३० वर्षका ग्रिजम्यानले १०२ खेलमा ३५ गोल गरेका छन् । आर्थिक रुपमा संघर्ष गरिरहेको बार्सिलोना यो सिजन छोड्ने ग्रिजम्यान ११ औँ खेलाडी हुन् ।