सन् २०२८ मा लस एन्जलसमा हुने ओलम्पिकमा क्रिकेटलाई समावेश गर्नका लागि अन्तर्राष्ट्रिय क्रिकेट काउन्सिल आइसिसीले प्रक्रिया अगाडि बढाएको छ ।
आइसिसीले सन् २०२८ को ओलम्पिकमा क्रिकेटलाई समावेश गर्नका लागि आफ्नो तर्फबाट प्रक्रिया अगाडी बढाएको जनाएको छ । अमेरिकामा तीन करोड क्रिकेट समर्थक बस्ने गरेको र त्यही देशबाट ओलम्पिकमा क्रिकेटलाई फर्काउने प्रयास आइसिसीले गरेको छ ।
सन् १९०० मा ओलम्पिकमा क्रिकेट समावेश भए पनि त्यसपछि भने राखिएको छ । करिब एक सय २८ वर्षको अनुपस्थितिपछि पछिल्लो पटक क्रिकेटलाई पनि ओलम्पिकमा समावेशका लागि पहल भएको हो ।
अर्को वर्ष बेलायतमा हुने कमनवेल्थ गेम्समा क्रिकेटलाई राख्ने पक्का भइसकेको छ । त्यो प्रतियोगिताले पनि ओलम्पिकमा क्रिकेट राख्नका लागि प्रभावित गर्ने विश्वास गरिएको छ । आइसिसीका प्रमुख ग्रेग र्बाक्लेले ओलम्पिकमा क्रिकेटलाई समावेश गर्नु फाइदाजनक हुने बताएका छन् । उनले क्रिकेट दक्षिण एसियाका ९२ प्रतिशत समर्थले फलो गर्ने गरेको र अमेरिकामा पनि ३० मिलियन समर्थक रहेकोले २०२८ को ओलम्पिकमा यो खेललाई राख्न उचित हुने बताए ।
ओलम्पिकमा क्रिकेटलाई राख्नका लागि एक समिति पनि बनाइनेछ । जसको प्रमुख इंग्ल्याण्ड र वेल्सका प्रमुख इयान वाटमोर हुनेछन् ।
जसमा आइसिसीका स्वतन्त्र डाइरेक्टर इन्द्र नोई, जिम्बावे क्रिकेटका प्रमुख ताभेग्वा, एसीसीका प्रमुख महिन्दा मालिपुरन र अमेरिकी क्रिकेट संघका प्रमुख पराग मराठी हुनेछन् ।
