टोकियो । जापानी टेनिस स्टार नाओमी ओसाका टोकियो ओलम्पिकअन्तर्गत महिला एकलको अन्तिम १६ बाट बाहिरिएकी छन् ।
विश्व वरीयतामा दोस्रो स्थानमा रहेकी ओसाका मारकेटा भोन्द्रुसोभासँग सोझो सेटमा पराजित हुँदै प्रतियोगिताबाट बाहिरिन् ।
ओलम्पिकको अन्तिम १६ मा ओसाका मारकेटा भोन्द्रुसोभासँग सोझो सेटमा पराजित भइन् । मारकेटाले ओसाकालाई ६–१ र ६–४ को सेटमा पराजित गरिन् ।
ओलम्पिकको भव्य उद्घाटन गरेकी नाओमी ओसाकाले ४ पटक ग्रान्डस्लाम जितिसकेकी छिन् ।
योसँगै घरेलु भूमिमा जापानलाई लन टेनिसमा पहिलोपटक ओलम्पिक स्वर्ण दिलाउने ओसाकाको सपना अधुरो नै भएको छ ।
