काठमाडौं । टोकियो ओलम्पिकका विभिन्न प्रतिस्पर्धाहरु बुधबारबाट सुरु हुँदैछन् । पहिलो दिन बुधबार महिला फुटबलका विभिन्न ६ खेल हुनेछन् । छनोट चरण पार गरेका १२ टोलीलाई ३ समूहमा विभाजन गरी प्रतिस्पर्धा गराउँन लागिएको हो ।
समूह ‘ई’मा आयोजक जापानसहित बेलायत, चिली र क्यानाडा, समूह ‘एफ’मा चीन, ब्राजिल, जाम्बिया र नेदरल्याण्डस् तथा समूह ‘जी’मा अमेरिका, स्विडेन, अष्ट्रेलिया र न्युजिल्याण्ड छन् ।
पहिलो दिन बुधबार समूह ‘ई’मा बेलायत र चिली नेपाली समयअनुसार दिउँसो सवा १ बजे प्रतिस्पर्धा गर्नेछन् । सोही समूहबाट आयोजक जापान र क्यानाडा अपरान्ह सवा ४ बजे आमनेसामने हुनेछन् ।
समूह ‘एफ’को खेलमा दिउँसो पौने २ बजे चीन र ब्राजिल भिड्दा अपरान्ह पौने ५ बजे जाम्बियाले नेदरल्याण्डस्को सामना गर्नेछ ।
समूह ‘जी’को खेलमा दिउँसो सवा २ बजे अमेरिका र स्विडेन तथा साँझ सवा ५ बजे अष्ट्रेलिया र न्युजिल्याण्डबीच खेल हुनेछ ।
महिलातर्फ फुटबलको स्वर्ण पदकका लागि अगष्ट ६ मा प्रतिस्पर्धा हुनेछ । पुरुषतर्फ फुटबलका स्पर्धाहरु भने बिहीबारबाट सुरु हुनेछन् ।
