सन् २०२२ मा उज्बेकिस्तानमा हुने एएफसी यू-२३ एसियन कप छनोटमा नेपाल समूह 'बी' मा परेको छ ।
नेपालको समूहमा ताजिकिस्तान, लेबनान र इरान रहेका छन् ।
एएफसीले सार्वजनिक गरेको समूह विभाजनमा नेपाल समूह 'बी' मा परेको हो । वेस्ट जोनको छनोटमा रहेका ४२ टोलीलाई एएफसीले ११ समूहमा विभाजन गरेको छ ।
समूह 'बी' का छनोट खेलहरू आगामी अक्टोबर २३ देखि ३१ सम्म हुनेछ ।
११ समूहमा रहेका शीर्ष टोलीले एएफसी यू-२३ एसियन कप खेल्नेछन् । यस्तै समूहमा दोस्रो स्थानमा रहेका मध्ये उत्कृष्ट चार टोली पनि एसियन कपमा छनोट हुनेछन् ।
उज्बेकिस्तानमा हुने फाइनल चरणको प्रतियोगिता २०२२ को जुन १ देखि १९ सम्म हुने तालिका छ ।
