बैशाख ०४, २०८१, मंगलबार
               

द हन्ड्रेड खेल्न सन्दीप आज बेलायत जाँदै

नेपाल फ्ल्यास
असार २४, २०७८

फाइल फोटो
ADVERTISEMENT

नेपाली क्रिकेट खेलाडी सन्दीप लामिछाने बेलायतमा हुने द हन्ड्रेड क्रिकेट प्रतियोगिता खेल्न आज राति बेलायत जाँदै छन् । भिषाको समस्याका कारण टी-२० ब्लास्ट खेल्न नपाएका सन्दीप बिहीबार राति द हन्ड्रेडका लागि बेलायत जान लागेको हुन् । 

बेलायत पुगेपछि उनी १० दिन क्वारेन्टिन बस्नुपर्ने छ । क्वारेन्टिन अवधिमा लगातार दुई पटक पिसिआर रिपोर्ट नेगेटिभ आएपश्चात मात्र उनी आफ्नो टिम ओभलको टोलीमा सामेल हुनेछन् ।  नेपालबाट जाँदा पनि पिसिआर रिपोर्ट नेगेटिभ भएको हुनुपर्नेछ । बेलायतमा क्वारेन्टिनमा रहँदा समेत उनबो दुई पटक पिसिआर परीक्षण गरिनेछ । 

द हन्ड्रेड जुलाई २२ देखि सुरु हुँदैछ । जसमा पहिलो खेलमा नै सन्दीपको टिम ओभलले म्यानचेस्टर आर्जिनल्ससँग खेल्नेछ । इंग्ल्याण्ड र वेल्स क्रिकेटको आयोजनामा पहिलो पटक हुन लागेको यो प्रतियोगिता अघिल्लो वर्ष कोभिड १९ का कारण स्थगित भएको थियो । यो बर्ष उनलाई टिमले रिटेन गरेको थियो ।

सन्दीपलाई ओभलले करिव एक लाख पाउण्डमा अनुबन्ध गरेको हो । 

यसअघि नेपालले स्पेनमा त्रिकोणात्मक सिरिज खेल्ने तय हुँदा सन्दीपले यो प्रतियोगिताका सुरुवाती चार देखि पाँच खेल गुमाउने सम्भावना थियो । तर अब भने उनले पूरै प्रतियोगिता खेल्न पाउनेछन् ।

नेपालको अर्को अन्तराष्ट्रिय तालिका सेप्टेम्बरमा भएकाले पनि सन्दिपलाई यो प्रतियोगिताका लागि समय मिलेको हो ।

यो पनि