साबिक विजेता पोर्चुगललाई हराउँदै बेल्जियम युरोकप फुटबलको क्वाटरफाइनलमा प्रवेश गरेको छ ।

सोमबार बिहान भएको नकआउट चरणको खेलमा पोर्चुगललाई १-० गोलले स्तब्ध हुन पुगेको हो । पोर्चुगल प्रतियोगिताको लगातार दुईपटकको च्याम्पियन हो ।

बेल्जियम फिफा बरीयतामा केही समयदेखि लगातार पहिलो स्थानमा रहँदै आएको छ ।

४२औँ मिनेटमा बेल्जियमका थोगर्न हाजार्डले गोल गरेपछि अग्रता लिएको थियो । डी बक्सबाहिरबाट गरेको प्रहार सिधै गोलमा परिणत भएको थियो ।

उनले थोमस मुनिएरको पासलाई सदुपयोग गर्दै गोलमा परिणत गरेका थिए । खेलमा सोही गोल एकमात्र र निर्णायक बन्न पुग्यो ।

फर्ममा रहेको बेल्जियमलाई हराएर पोर्चुगललाई क्वाटरफाइनलमा पुर्‍याउन कप्तान क्रिष्टियानो रोनाल्डो जादु चल्न सकेन । 

बेल्जियमले अब सेमिफाइनल प्रवेशका लागि इटालीसँग भिड्ने तय भएको छ ।

आइतबार राति पौने १० बजे भएको खेलमा चेक रिपब्लिकले नेदरल्यान्ड्सको यात्रामा पनि विराम लगाइदिएको छ ।

हंगेरीको पुस्कास एरिना स्टेडियममा भएको खेलमा नेदरल्यान्ड्सलाई २-० गोलले पराजित भएको हो । 
चेक रिपब्लिकका लागि टोमस होल्डले ६८औँ मिनेटमा हेडिङमार्फत गोल गरेका थिए । दोस्रो गोल प्याट्रिक शिकले खेलको ८०औँ मिनेटमा गरेका थिए ।

५५औं मिनेटमा डिफेन्डर म्याथिस डी लिग्टले रातो कार्ड पाएपछि नेदरल्यान्ड्स दबाबमा परेको थियो । समूह चरणमा सबै खेल जितेर उत्कृष्ट लयमा देखिएको नेदरल्यान्ड्सको यात्रा टुंगिएको छ ।

चेक रिपब्लिकले भने क्वाटरफाइनलमा डेनमार्कसँग खेल्नेछ ।

बाँकी प्रिक्वाटरफाइनलको खेल तालिका (नेपाली समयअनुसार)