२४ टिम रहेको युरोकप फुटबलमा ११ टिम नकआउट चरणमा प्रवेश गरिसकेका छन् ।

समूह ई र एफको बुधबार राति हुने खेलपछि दुई टिम समूह विजेता वा उपविजेता बनेर थपिने छन् । तेस्रो स्थानमा आएका टिममध्ये स्कोरका आधारमा चार टिमले सुपर १६ मा स्थान पाउने छन् ।

अहिलेसम्म इटाली, वेल्स, बेल्जियम, डेनमार्क, नेदरल्यान्ड्स, अस्ट्रिया, इङ्ल्यान्ड, क्रोएसिया, स्विडेन र फ्रान्स अघिल्लो चरण प्रवेश गरिसकेका छन् । त्यसैगरी समूह ए को तेस्रो स्थानमा आएको स्विजरल्यान्ड पनि सुपर १६ को यात्रामा पुगेको छ ।

युरोकपमा आज बुधबार राति पौने १० बजे स्विडेन र पोल्यान्ड तथा सोही समयमा स्लोभाकियाविरुद्ध स्पेन भिड्ने छन् । यो प्रतिस्पर्धासँगै समूह ई बाट विजेता वा उपविजेता भई अघिल्लो चरणमा पुग्ने एक टिम थपिने छ ।

बुधबार मध्यरात (नेपाल समयअनुसार राति पौने १ बजे) पोर्चुगल र फ्रान्स भिड्ने छन् भने सोही समयमा जर्मनी र हंगेरीबीच खेल हुनेछ ।

समूह एफ को यो भिडन्तसँगै सुपर १६ टिम चयन हुने छन् । समूह एफ बाट विजेता वा उपविजेता बनेर अघिल्लो चरणमा जान एक टिमको छनोट हुने छ ।

तेस्रो स्थानमा आएको स्विजरल्यान्ड अघिल्लो चरणमा प्रवेश गरे पनि बाँकी तीन टिमको चयन भने अबका चार भिडन्तको नतिजामा भर पर्नेछ । 

यस्तो छ पछिल्लो अंकतालिका

समूह ए

समूह बी

समूह सी

समूह डी

समूह ई

समूह एफ