फिफा बरीयतामा पहिलो नम्बरमा रहेको बेल्जियमले डेनमार्कको चुनौतीलाई बिहीबार राति पन्छाएको छ ।
युरो कप फुटबल २०२० को समूह ‘बी’ मा रहेको बेल्जियमले डेनमार्कलाई २-१ गोलले पाखा लगायो । लगातार दोस्रो जित हात पारेको बेल्जियम नकआउट चरणमा पुग्ने लगभग पक्का भएको छ ।
तर दोस्रो हाफमा फिफाको शीर्ष स्थानको बेल्जियमले गोल फर्कायो । खेलको ५५ औँ मिनेटमा थोर्गन हाजार्डले केभिन डे ब्रुनीको पासमा गोल गर्दै बराबरी बनाए । त्यसपछि ७० औँ मिनेटमा डे ब्रुनीले इडेन हाजार्डको पासलाई गोलमा परिणत गराएका थिए ।
यो समूहमा बेल्जियमले ६ अंक जोडेको छ । फिनल्यान्ड र रुसको समान ३/३ अंक छ । डेनमार्कले अंकबिहीन छ ।
खेलमा सुरुवाती गोल भने डेनमार्कले गरेको थियो । खेलको ९९ सेकेन्डमै बेल्जियम गोल हान पुगेको थियो । डेनमार्कका लागि युसुफ पलसेनले गोल गरेका थिए ।
डेनमार्कका युसुफ पलसेन युरो कपमा दोस्रो सर्वाधिक छिटो गोल गर्ने खेलाडी बनेका छन् । रुसका दिमित्री किरिचेन्कोले सन् २००४ को युरो कपको ६७ सेकेन्डमै गोल गरेका थिए ।
बिहीबार रातिकै पहिलो खेलमा पहिलो खेलमा युक्रेनले नर्थ मेसेडोनियालाई २ - १ गोलले हराएको थियो भने नेदरल्यान्डले अस्ट्रियालाई २-० ले हरायो ।
