त्रिकोणात्मक टी–ट्वान्टी क्रिकेट प्रतियोगितमा नेदरल्यान्ड्स विजयी भएको छ। प्रतियोगिताको दोस्रो खेलमा मलेसियालाई १५ रनले हराउँदै नेदरल्यान्ड्स विजयी भएको हो ।

टियु क्रिकेट मैदानमा टस जितेर पहिले ब्याटिङ गरेको नेरदल्यान्ड्सले दुई विकेटको क्षतिमा १९१ रन बनाएको थियो । जवाफी ब्याटिङ गरेको मलेसियाले निर्धारित ओभरको खेलमा ८ विकेट गुमाएर १७६ रनमात्रै बनाउन सक्यो । 

यसअघि नेदरल्यान्ड्स नेपालसँग ९ विकेटले पराजित भएको थियो। अर्को खेल नेपाल र मलेसियाबीच हुनेछ । भोलि नेपाल र मलेसियाबीच खेल हुँदैछ ।