एजेन्सी । गएराति सम्पन्न सम्पन्न भएको इङ्लिस प्रिमियर लिगअन्तर्गत को फुटबल खेलमा म्यानचेस्टर युनाइटेडद्वारा ब्राइटन २–१ गोलले पराजित भएको छ । ओल्ड ट्राफोर्ड मैदानमा भएको उक्त खेलमा युनाइटेडले पाहुना टोली ब्राइटोनलाई २–१ गोलले पराजित गरेको हो ।
युनाइटेडको जितको लागि मार्कस रासफोर्ड र मेसन ग्रिनवुडले १–१ गोल गरेका थिए । त्यसअघि खेलको १३औँ मिनेटमा ब्राइटोनका ड्यानी वेलब्याकले गोल गर्दै पाहुना टिमलाई अग्रता दिलाएका थिए ।
पहिलो हाफमा १ गोलले पछि परेको युनाइटेडले दुबै गोल दोस्रो हाफमा गरेको हो । रासफर्डले ६२ औं मिनेटमा गोल गर्दै खेललाई बराबरीमा ल्याएका थिए ।
८३औँ मिनेटमा पाउल पोग्बाको पासलाई ग्रिनवुडले गोलमा बदलेपछि युनाइटेडले जित सुनिश्चित गरेको हो । गएरातिको जितसँगै युनाइटेडले अंकतालिकामा ६० अंक बनाएको छ ।