काठमाडौं । साविक विजेता रियल मड्रिड स्पेनिस सुपर कपबाट बाहिरिएको छ । बिहीबार राति भएको दोस्रो सेमिफाइनलमा रियल एथ्लेटिक विल्वाओसँग २-१ ले पराजित भएको हो ।
राहुल गार्सियाको दुई गोल मद्दतमा एथ्लेटिक विल्वाओले रियललाई २-१ ले पराजित गरेको हो ।
खेलको १८औं मिनेटमा गार्सियाले गोल गर्दै विल्वाओलाई अग्रता दिलाएका थिए । ३८औं मिनेटमा गार्सियाले नै पेनाल्टीबाट गोल गर्दै विल्वाओको अग्रता दोब्बर पारे ।
दोस्रो हाफमा रियलले एक गोल फर्काएपनि हार टार्न सकेन । ७३औं मिनेटमा रियलका करिम बेन्जामाले गरेको गोल सान्तवना मात्र रह्यो ।
विल्वाओले अब फाइनलमा बार्सिलोनासँग प्रतिस्पर्धा गर्नेछ । बार्सिलोनाले रियल सोसिडाडलाई हराउँदै फाइनलमा स्थान बनाइसकेको छ ।
एथ्लेटिक विल्वाओ बार्सिलोना फाइनल खेल आइतबार हुनेछ ।
