काठमाडौं । नेपाली राष्ट्रिय क्रिकेट टोलीका लेग स्पिनर सन्दीप लामिछानेलाई कोरोना भाइरस संक्रमण पुष्टि भएको छ ।
कोरोना भाइरस संक्रमण पुष्टि भएपछि उनी सेल्फ आइसोलेनमा बसेका छन् ।
शनिबार बिहान सामाजिक सञ्जाल फेसबुकमार्फत सन्दीपले आफूलाई कोरोना भाइरस संक्रमण पुष्टि भएको जानकारी दिएका हुन् ।
गत बुधबारबाट कोरोनाको लक्षण देखिएको बताउँदै सन्दीपले संक्रमण पुष्टि भएपछि आफू सेल्फ आइसोलेनमा बसेको जानकारी दिएका छन् ।
आफ्नो स्वास्थ्य अवस्था सामान्य रहेको बताउँदै उनले आफू चाँडै मैदान फर्कने उल्लेख गरेका छन् ।
यसअघि नेपाली क्रिकेट टोलीका कप्तान ज्ञानेन्द्र मल्ल लगायत केही खेलाडीमा कोरोना संक्रमण पुष्टि भएको थियो ।
