नेपाल क्रिकेट संघ क्यानले यही १० गतेबाट सुरु गर्ने बन्द प्रशिक्षणमा २२ खेलाडीलाई बोलाएको छ ।
जसमा बसन्त रेग्मीले कमब्याक गरेका छन् । प्रशिक्षक जगत टमाटाको प्रशिक्षणमा हुने टिममा बसन्त करिव डेढ बर्षपछि टिमको प्रशिक्षणमा फर्किएका हुन । यस्तै टिममा रासिद खानले पनि स्थान बनाएका छन । क्यानले पछिल्लो पटक गरेको केन्द्रीय सम्झौतामा रहेका सबै खेलाडीलाई प्रशिक्षणमा बोलाएको छ ।
नेपाल सरकारले खेलकुदलाई सुचारु गर्ने अनुमति दिएसँगै क्यानले यहि १० गतेबाट प्रशिक्षण सरु गर्ने भएको हाे । जसका लागि खेलाडीको मंसिर ८ गते पीसीआर परिक्षण गरिनेछ । त्यसमा नेगेटिभ आउने खेलाडीलाई मात्र प्रशिक्षणमा सहभागी गराइने भएको छ । प्रशिक्षणका लागि क्यानले चाँडै नै भारतबाट फिटनेस ट्रेनर पनि ल्याउने तयारी गरेकाे छ । नेपालले विश्वकप लिग क्रिकेट २ अन्तर्गत २०२१ मा ५ वटा सिरिज खेल्ने तालिका रहेकाे छ । जसमा मार्चमा पहिलाे सिरिज खेल्नेछ । कोरोना भाइरसको महामारीका कारण करिव नौ महिनापछि नेपाली क्रिकेट टिमको प्रशिक्षण सुरु हुन लागेको हो ।
ज्ञानेन्द्र मल्ल, दिपेन्द्रसिंह ऐरी, पारस खड्का, सन्दिप लामिछाने, शरद भेषवाकर, करण केसी, बसन्त रेग्मी, विनोद भण्डारी, आरिफ शेख, पवन सराफ, अभिना बोहरा र सुवास खकुरेललाई बन्द प्रशिक्षणमा बाेलाइएकाे हाे । त्यस्तै रोहित कुमार पौडेल, कुशल मल्ल, रासिद खान, कमलसिंह ऐरी, सन्दिप जोरा, किशोर महतो र भुवन कार्की गरी २२ जना छन् ।
