दुबइमा जारी इण्डियन प्रिमियर लिग (आईपीएल) अन्तर्गत आज जारी ५५ औं खेलमा रोयल च्यालेन्जर्स बैङलोरले दिल्ली क्यापिटल्सलाई १५३ रनको लक्ष्य प्रस्तुत गरेको छ ।
अबु धाबीस्थित शेख जायेद स्टेडियममा जारी खेलमा टस हारेर ब्याटिङमा उत्रिएको बैङलोरले निर्धारित २० ओभरमा ७ विकेट गुमाउँदै १५२ रन बनाएको हो ।
बैङलोरका लागि देबदत्त पाडिकलले सर्वाधिक ५० रन बनाउँदा एबि डिभिलियर्सले ३५ रन बनाए। त्यस्तै कप्तान बिराट कोहली २९ रन बनाउँदा शिवन दुबे १७ र जोस फिलिपे १२ रनमा आउट भए ।
आजको खेलमा जित निकाल्ने टिम प्लेअफका लागि क्वालिफाइ हुने भएकाले दुबै टिम जित निकाल्ने लक्ष्यमा रहेका छन् ।
