इन्डियन प्रिमियर लिग (आइपिएल) को सर्वाधिक सफल तथा साबिक उपविजेता चेन्नई सुपर किंग्स लिग चरणबाटै बाहिरिने पहिलो टोली बनेकाे छ ।
आइतबार राति राजस्थान रोयल्सले शीर्षस्थानको मुम्बई इन्डियन्समाथि ८ विकेटको जित निकालेसँगै चेन्नई औपचारिक रुपमा बाहिरिएको हो । यस अघिका संस्करणमा लगातार फाइनलमा सहजै स्थान बनाउदै आएको चेन्नई यो पटक खराब प्रर्दशनका साथ बाहिरिएको छ । आइपिएलको इतिहासमा पहिलो पटक चेन्नई लिग चरणबाट बाहिरिन पुगेको हो ।
चेन्नई सन् २०१०, २०११ र २०१८ गरी तीन पटककाे उपाधि बिजेता हुन् । पाँच पटक फाइनलमा पराजित भएको थियो । यस अघि चेन्नईले खेलेका १० संस्करण मध्य दुई सिजनमा मात्र फाइनलमा पुग्न सकेको थिएन ।
चेन्नई लिग चरणका दुई खेल बाँकी हुँदा १२ खेलमा ८ खेलमा हार र ४ मा जित सहित ८ अंकका साथ बाहिरिएकाे हाे भने चेन्नईले बिहिबार कोलकाता नाइट राइडर्स र आइतबार किंग्स इलेभेन पन्जाबसँग प्रतिस्पर्धा गर्ने छ ।
