दुबइमा जारी आइपिएलमा दिल्ली क्यापिटल्सले ३८ औं खेलमा किंग्स इलेभेन पन्जाबलाई १६५ रनको प्रतिस्पर्धात्मक लक्ष्य दिएको छ ।
दुबई इन्टरनेशल क्रिकेट स्टेडियममा टस जितेर ब्याटिङ रोजेको दिल्लीले २० ओभरमा ५ विकेटको क्षतिमा १६४ रन बनायो ।
दिल्लीका ओपनर शिखर धवनले कीर्तिमानी शतकीय इनिङ खेले । यो धवनको आइपिएलमा लगातार दोस्रो शतक हो । यसअघि धवनले चेन्नई सुपर किंग्सविरुद्ध १०१ रनको अविजित शतकीय इनिङ खेलेका थिए । आइपिएल इतिहासमा लगातार दुई खेलमा शतक प्रहार गर्ने धवन पहिलो खेलाडी बनेका छन् ।
पन्जाबका मोहम्मद शामीले ४ ओभरमा २८ रन खर्चेर २ विकेट लिए । ग्लेन म्याक्सवेलले ३१ रन खर्चेर १ विकेट लिए । मुरुगन आश्विनले ४ ओभरमा ३३ रन खर्चेर १ विकेट लिए । जेम्श निशमको नाममा १ विकेट रह्यो ।
