इण्डियन प्रिमियर लिग (आईपीएल) क्रिकेटमा आइतबार जारी खेलमा कोलकाता नाइट राइडर्सले सनराइजर्स हैदराबादलाई १६४ रनको लक्ष्य दिएको छ । 

टस हारेर ब्याटिङको निम्तो पाएको कोलकाताले निर्धारित २० ओभरमा पाँच विकेटको क्षतिमा १६३ रन बनाएको हो । उसका लागि कप्तान इयन मर्गनले ३४, दिनेक कार्तिक र नितिश रानाले समान २९ रन बनाए । खेलकाे बीचमा धरासायी बनेको कोलकाताको पारी उकास्न कप्तान मर्गन र कार्तिकले ५८ रनको साझेदारी गरेका थिए ।  

बलिङतर्फ हैदराबादका लागि टि नटराजनले ४ ओभरमा ४० रन खर्चेर २ विकेट लिए । राशिद खानले ४ ओभरमा २८ रन खर्चेर १ विकेट लिए । विजय शंकरले ४ ओभरमा २० रन खर्चेर १ विकेट हात पारे । विशाल थाम्पीको नाममा १ विकेट रह्यो ।