एजेन्सी । अन्तराष्ट्रिय क्रिकेटमा अष्ट्रेलियासँग इङ्ल्याण्ड पराजित भएको छ । ग्लेन म्याक्सवेल र अलेक्स क्यारीको उत्कृष्ट साझेदारीमा अस्ट्रेलियासँगको तीन एक दिवसीय क्रिकेटमा इङ्ल्याण्ड पराजित भएको हो ।

वल्ड ट्राफोडमा गएराति सम्पन्न खेलमा पाहुना टोली अस्ट्रेलियाले इङ्ल्याण्डलाई ३ विकेटले पराजित गरेको हो। योसँगै अस्ट्रेलियाले सिरिजमा २–१ अंकको जित हासिल गरेको छ ।

 इङ्ल्याण्डबाट पाएको ३ सय ३ रनको लक्ष्य अस्ट्रेलियाले अन्तिम ओभरमा २ बल बाँकी हुँदा ७ विकेट गुमाएर पुरा गरेको थियो । अस्ट्रेलियाको जितमा एलेक्स क्यारी र ग्लेन म्याक्सवेल दुबै जनाले शतकीय पाली खेलेका थिए ।