काठमाडौं । मोटरसाइकल दुर्घटनामा परि नेपाली राष्ट्रिय क्रिकेट खेलाडी ललित भण्डारी गम्भीर घाइते भएका छन् । कञ्चनपुरको शुक्लाफाँटा नगरपालिका–१० स्थित झलारी बजारमा आइतबार साँझ भएको उक्त दुर्घटनामा २८ वर्षीय खेलाडी भण्डारी गम्भीर घाइते भएका हुन् ।

उनि सवार भएको म २ प ४७०५ नम्बरको मोटरसाइललाई से १ ख १३२४ नम्बरको ट्रकले ठक्कर दिँदा दुर्घटना भएको इलाका प्रहरी कार्यालय झलारीका प्रहरी निरिक्षक धर्मेन्द्र रावलले जानकारी दिए ।

प्रहरीका अनुसनर खेलाडी भण्डारीको घाँटी, पाखुरो र छातीमा गम्भीर चोट लागेको छ । उनिसँगै मोटरसाइकलमा रहेका २४ वर्षीय करन ठगुन्ना समेत घाइते भएका छन् । ट्रकका चालक फरार रहेको र खोजी भइरहेको प्रहरीले जनाएको छ ।