क्यारेबियन प्रिमियर लिग (सिपिएल) को २५ औं खेल जमैका तलावाज र सेन्ट किट्स एण्ड नेभियस प्याटियटसबीचको खेल वर्षाको कारण रद्द भएको छ ।

ब्रायन लारा स्टेडियममा सेन्ट किट्सले ५.४ ओभरमा विना विकेटको क्षतिमा ४६ रन बनाएको अवस्थामा वर्षाको कारण खेल रोकिएको थियो । जमैका ओपनर क्रिस लिन १५ बलमा २ छक्का र १ चौका २३ रन र इभिन लुईस १९ बलमा २ चौका र १ छक्का सहित २१ रनमा खेलि रहेको अवस्थामा खेल वर्षाको कारण रोकिएको थियो । खेल रोकिएसँगै सेन्ट किट्स सिपिएलबाट बाहिरिएकाे छ । 

योसँगै सेन्ट किट्स एक खेल अगावै लिग चरण बाट बाहिरिने पहिलो टोली बनेको छ । सेन्ट किट्स ९ खेलमा ७ मा हार र १ मा जित सहित पुछारमा छ । सन्दीप सम्मिलित जमैकाले बाँकी दुई खेलमध्ये एक खेलमा जित निकालेको खण्डमा सेमिफाइनलमा प्रवेश गर्ने छ ।