फुटबल क्लब आर्सनलले कम्युनिटी शिल्ड फुटबलको उपाधि जितेको छ । लिभरपुललाई पेनाल्टी सुटआउटमा हराउँदै आर्सनलले उपाधि जितेको हो ।
वेम्बली स्टेडियममा शनिबार भएको फाइनलमा आर्सनल लिभरपुललाई पेनाल्टी सुटआउटमा ५-४ गोल अन्तरले पराजित गर्न सफल भयो ।
खेलको १२ औं मिनेटमा पेरिक एम्रिक आबुमियाङले गोल गर्दै आर्सनलले सुरुवाती अग्रता बनाएको थियो ।
दोस्रो हाफको ७३ औं मिनेटमा ताकुमी मिनामिनोले लिभरपुलको लागि गोल गर्दै खेल १-१ को बराबरीमा फर्काएका थिए ।
खेलको निर्धारित समय १-१ गोलको बराबरीमा सकिएपछि खेल पेनाल्टी सुटआउटमा गएको थियो ।
प्रिमियर लिग विजेता र एफए कप विजेताले कम्युनिटी शिल्डको फाइनलमा खेल्ने गर्छन् ।
लिभरपुल प्रिमियर लिग विजेता हो भने आर्सनल एफए कप विजेता हो ।
लिभरपुलले ३० वर्षपछि प्रिमियर लिगको उपाधि जित्न सफल भएको थियो ।
आर्सनलले कीर्तिमानी १४ औं पटक एफए कपको उपाधि उचालेको थियो ।
