नेपाली राष्ट्रिय टोलीका लेग स्पिनर सन्दीप लामिछाने आवद्ध टिम जमैका तलाबाजले क्यारेबियन प्रिमियर लिग (सीपीएल) टी-ट्वान्टी क्रिकेटमा आज (शनिबार) छैटौं खेल खेल्दैछ ।

जमैका तलाबाज र सेन्ट किट्स एण्ड नेभिस प्याट्रियोट्सबीचको खेल नेपाली समय अनुसार राति १२ बजे सुरु हुनेछ ।

दुवै टोली अङ्क तालिकाको पुछारमा छन् । जमैका पाँच खेलमा चार अंक जोडेर तालिकाको पाँचौं स्थानमा छ । सामान खेलमा सामान दुई अंक जोडेको प्याट्रियट्स तालिकाको अन्तिम स्थानमा छ ।

जमैकाको लागि अघिल्लो चरण प्रवेशको लागि जित निकाल्नु आवश्यक छ । 

प्याट्रियट्स सन्दीपको पूर्व क्लब समेत हो । यस सिजन दुई टोली पहिलो पटक आमनेसामने हुन लागेको हुन् । यसअघि यी दुई टोलीबीच भएको चार खेलमा प्याट्रियट्स हावी हुँदै आएको छ ।

सन्दीप प्याट्रियट्सविरुद्धको खेलमा समेत प्लेईङ सेटमा पर्ने सम्भावना छ । सन्दीपले यस सिजन निकै उत्कृष्ट बलिङ गर्दै आएका छन् ।

यसअघिको दुई संस्करण सिपिएल खेलेका सन्दीपलाई यस पटक ९० हजार अमेरिकी डलर (एक करोड आठ लाख नेपाली रुपैयाँ) मा जमैकाले अनुबन्ध गरेको हो ।