फुटबल क्लब बार्सिलोनालाई पछाडि पार्दै रियल मड्रिड, स्पेनिस ला लिगाको शीर्ष स्थानमा उक्लिएको छ ।
आइतबार राति भएको खेलमा रियल सोसिडाडलाई २–१ गोल अन्तरले हराउँदै रियल मड्रिड अंक तालिकाको शीर्ष स्थानमा उक्लिएको हो ।
३० खेलबाट बार्सिलोना र रियल मड्रिडले समान ६५ अंक जोडे पनि हेड टु हेडका आधारमा रियल मड्रिड शीर्ष स्थानमा पुगेको हो ।
पहिलो हाफ गोलरहित बराबरीमा सकिएको थियो । बाँकी सबै गोल दोस्रो हाफमा भएका थिए । रियलको जितमा सर्गियो रामोस र करिम बेन्जिमाले गोल गरे ।
खेलको ५०औं मिनेटमा डिएगो लोरेन्टेले पेनाल्टी क्षेत्रभित्र भिनिसियसलाई लडाएपछि रियलले पेनाल्टी पाएको थियो ।
सर्जियो रामोसले पाएको पेनाल्टीलाइ गोलमा परिणत गर्दै सुरुवाती अग्रता दिलाएका थिए ।
७०औं मिनेटमा बेन्जामिनले अग्रता दोब्बर पारे ।
खेलको ८३औं मिनेटमा सोसिडाडका मिकेल मरिनोले गोल फर्काए ।
