नेपाल पुलिस सर्लाहीको बागमतीमा जारी छैटौं राजर्षि जनक कप फुटबल प्रतियोगिताको फाइनल प्रवेश गरेको छ । साविक विजेता सुदूरपश्चिम ११ स्पोर्टस क्लबलाई पुलिसले ३–१ ले हराउँदै एकै साता दुई वटा नकआउट चरणको फुटबल प्रतियोगिताको फाइनलमा प्रवेश गरेको हो । पुलिस १८ औं आहा रारा गोल्ड कप फुटबल प्रतियोगिताको पनि फाइनलमा पुगेको छ ।
पोखरामा शनिबार हुने फाइनलमा पुलिसले नेपाल आयल निगम मनाङ मस्र्याङ्दी क्लबको सामना गर्दै छ । यसअघि पुलिसले एकैपटक तीन वटा (बुढासुब्बा गोल्डकप, नेपाल आइस खप्तड सुदूरपश्चिम गोल्डकप र राइनो कप)मा एकै साथ प्रतिस्पर्धा गरेको थियो ।
राजर्षि जनक कपमा पुलिसले प्रभु बैंक जावलाखेल युथ क्लब तथा भारत सिलगुढीको केएफसीमध्ये एक टोलीको सामना गर्नेछ । यी दुई टालीबीच शनिबार खेल हुनेछ ।
आजको सेमिफाइनल खेलमा पुलिसका कप्तान जुमानु राईले ४८ औं मिनेटमा पहिलो गोर गरेका थिए । त्यसपछि खेलको ५६ औं र ६८ औं मिनेटमा तीर्थ रानाले दुई गोल गर्न सफल रहे ।
खेलको म्यान अफ दी म्याच बनेका जुमानुले १० हजार रुपैयाँ हात पारेका छन् ।
