एजेन्सी । फुटबल क्लब म्यानचेस्टर युनाइटेड एफए कपको क्वाटरफाइनलमा प्रवेश गरेको छ ।
बिहिबार राति भएको खेलमा डर्बी काउन्टीलाई ३–० गोल अन्तरले पराजित गर्दै युनाइटेडले क्वाटरफाइनलमा स्थान सुरक्षित गरेको हो ।
खेलको ३३औं मिनेटमा लुक शले गोल गर्दै युनाइटेडलाई अग्रता दिलाए ।
४१औं मिनेटमा ओडिओन इघालोले युनाइटेडको लागि दोस्रो गोल गरे ।
७०औं मिनेटमा इघालोले व्यक्तिगत दोस्रो गोल गर्दै युनाइटेडलाई ३–० को जित सुनिश्चित गरे ।
म्यानचेस्टर युनाइटेडले क्वाटरफाइनलमा नर्विच सिटीसँग खेल्नेछ ।
