सहिद स्मारक लिग लिडर मछिन्द्र क्लब इलाममा जारी छैटौं माइ भ्याली गोल्डकपको सेमिफाइनमा पुगेको छ । एक साताअघि शिवशताक्षी गोल्डकप जितेको मछिन्द्रले ट्राइबेकरमा जित निकाल्दै सेमिफाइनल प्रवेश गरेको हो ।
स्टार खेलाडीले भरिएको मछिन्द्र कठिन जितका साथ सेमिफाइनल प्रवेश गरेको हो । उसले गोर्खा ब्वाइज फुटबल क्लब रुपन्देहीलाई ट्राईब्रेकरमा ५–३ गोलले हराउँदै हराएको हो ।
सोमबार इलामको ठूलो टुँडिखेलमा सम्पन्न क्वाटर फाईनल खेलको निर्धारित समयमा र थपिएको २० मिनेटमा दुवै टिमबाट गोल हुन नसके पछि खेल टाइब्रेकरमा गएको थियो ।
टाइब्रेकरमा मछिन्द्रका रजिन धिमाल, बुद्ध चेम्जोङ,दिनेश राजवंशी, बिमल घर्ति मगर, देवेन्द्र तामाङको प्रहार गोलमा परिणत हुँदा गोर्खा ब्वाइजको सञ्जिव लामा, गौतम श्रेष्ठ र फोडे फोफानाको प्रहार मात्र गोल भएको थियो । विदेशि खेलाडी हम्जातको प्रहार पोलमा लागेर फकिर्दा गोर्खा निराश बन्न पुग्यो ।
