एजेन्सी । च्याम्पियन्स लिग फुटबल अन्तर्गत गएराति भएको खेलमा म्यान्चेष्टर सिटीसँग रियल मड्रिड पराजित भएको छ ।
रियलको घरेलु मैदानमा भएको खेलमा म्यान्चेष्टर सिटीले रियल मड्रिडलाई २–१ गोल अन्तरले पराजित गरेको हो । जितसँगै सिटीले च्याम्पियन्स लिगको अन्तिम १६ मा आफूलाई बलियो बनाएको छ ।
रियलले ६० औं मिनेटमा ईस्कोको गोलबाट अग्रता लिएको थियो । ७८ औ मिनेटमा सिटीका ग्याब्रियल जिससले गोल गर्दै खेल बराबरीमा ल्याए ।
खेल सकिन ७ मिनेट बाँकी छदाँ केभिन डी ब्रुईनीले पेनाल्टीमार्फत गोल गर्दै सिटीको जित सुनिश्चित गरे ।
८६ औं मिनेटमा रियलका कप्तान सर्जियो रामोस रातो कार्ड खादै मैदान बाहिरिएपछि घरेलु टोलीले १० खेलाडीमा सिमित भएको थियो ।
च्याम्पियन्स लिगमा सिटीले रियल मड्रिडलाई पहिलो पटक पराजित गरेको हो ।
दोस्रो लेगको खेल सिटीको घरेलु मैदान ईतिहाद स्टेडियममा मार्च १० मा हुनेछ ।
