एजेन्सी । फुटबल क्लब म्यानचेस्टर युनाइटेड इङलिस प्रिमियर लिग फुटबलको पाँचौं स्थानमा उक्लिएको छ ।
आइतबार भएको खेलमा वाट्फोर्डलाई ३–० गोल अन्तरले पराजित गर्दै युनाइटेड शीर्ष पाँचमा उक्लन सफल भएको हो ।
घरेलु मैदानमा युनाइटेडलाई जित दिलाउन ब्रुनो फर्नान्डेस, एन्थोनी मार्सियल र मासुन ग्रिनवुडले गोल गरे ।
खेलको ४२ औं मिनेटमा फर्नान्डेसले पेनाल्टीमार्फत गोल गरेका थिए ।
खेलको ५८ औं मिनेटमा मार्सियलले र ७५ औं मिनेटमा ग्रिनवुडले गोल गर्दै युनाइटेडलाई ३–० को जित दिलाए ।
जितसँगै युनाइटेडले २७ खेलबाट ४१ अंक बनाएको छ । वाट्फोर्डको २४ अंक छ ।
