काठमाडौं । स्पाेर्टस टुरिजम एसोसिएसन अफ नेपालले अमेरिकाका प्रोफेसनल बास्केटबल खेलाडी ड्रङ्क च्याम्पियन स्मिथ मार्कीलाई सम्मान गरेको छ ।
एसोसिएसनका अध्यक्ष गणेश रिमालले उनलाई बिहीबार एक समारोहबीच सम्मान गरेका हुन् । सो अवसरमा उनीसँग आएका अन्य खेलाडीहरूलाई पनि सम्मान गरिएको थियो ।
स्पाेर्टस टुरिजम एसोसिएसन अफ नेपाल स्वदेश तथा विदेशमा खेलकुद प्रतियोगिताको माध्यमबाट पर्यटनको विकास गर्न खोलिएको संस्था हो ।
उक्त अवसरमा महासचिव विजय खड्का, नेपाल बास्केटबल लिगका अध्यक्ष नमितबहादुर थापालगायत खेलकुदको माध्यमबाट पर्यटन प्रवद्धन गर्न सकिने धारणा राखेका थिए ।
