काठमाडौं । आइसिसी क्रिकेट वर्ल्ड कप लिग टु अन्तरगत अहिले नेपाल र ओमान बीचको खेल भइरहेको छ।
त्रिवि क्रिकेट मैदानमा भएको एकदिवसीय खेलमा नेपालले टस जितेर पहिले फिल्डिङ रोजेको छ ।
खेलमा नेपालले सुरुवाती सफलता हासिल गरेको छ । करण केसीले जतिन्दर सिंहलाई ४ रनमा बोल्ड गरिदिएका छन् ।
एकदिवसीय मान्यता पाइसकेपछि नेपालले पहिलोपटक घरेलु मैदानमा सिरिज खेल्दैछ ।
नेपालले कीर्तिपुरमा ओमानसँग खेल्दै उक्त सिरिजको शुरुआत गर्दैछ र यसैबाट सन् २०२३ मा हुने विश्वकपको यात्रा नेपालले थालनी गर्दैछ ।
ओमान सन् २०१२ पछि नेपाल खेल्न आएको छ । सन् २०१३ यता नेपालले उसलाई हराउन सकेको छैन । घरेलु मैदानको फाइदा लिँदै ओमानलाई हराउने दाउमा नेपाल रहेको छ ।
नेपालले शनिबार अमेरिकासँग खेल्दैछ । अमेरिका सन् २०१० पछि नेपाल आएको हो ।
