नर्वेमा ह्याम्स आँधीआए पछि आएको बाढीले जनजीवन प्रभावित बनाएको छ । राजधानी ओस्लोबाट करिब १५० किलोमिटर उत्तर पूर्वमा रहेको ब्रास्केरिडफसको बाँध फुटेसँगै नर्वेको सबैभन्दा लामो नदी ग्लोमामा बाढी आएको हो । गत सोमबार आएको आँधीपछि आएको बाढीका कारण नर्वेमा ४ हजार भन्दा बढी संरचना भत्किएका छन् । ग्लोमामा पानीको चाप बढ्दै गएपछि प्रहरीले स्थानीको उद्धार गरेको छ । आँधी सोमवारदेखि अहिलेसम्म पनि जारी रहेको बताइएको छ ।

नर्वेजियन नेचर ड्यामेज पुल एण्ड फाइनान्स नोर्गका अनुसार नर्वेमा प्राकृतिक प्रकोपको कारण (सय मिलियन नर्वेजियन क्रोनर ९लगभग ८८.२ मिलियन अमेरिकी डलर) बराबरको सम्पत्ति नष्ट भएको छ ।  

सो क्षेत्रमा राष्ट्रिय आपतकालीन टोली खटाएको छ । आँधीका कारण २ हजार बढी नागरिक विस्थापित भएका छन् । नर्वेजियन सार्वजनिक सडक प्रशासनले सबैभन्दा बढी प्रभावित क्षेत्रहरूममा इनल्याण्डेटलाई राखेको छ । नर्वेका न्यायमन्त्री एमिली एङ्गर मेहलले सरकारले आँधी प्रभावित क्षेत्रका नागरिकलाई उद्धार गर्न थप हेलिकप्टर र अन्य स्रोतहरू परिचालन गरेको बताएका छन् ।