काठमाण्डौ – क्यानडामा बितेको ५० वर्ष यताकै ठूलो वर्षा भएको छ ।
केही क्षेत्रमा सामान्यतया तीन महिनाको अवधिमा पर्ने पानी २४ घण्टा भित्रै परेको त्यहाको मौसम विभागलाई उद्धृत गर्दै बीबीसीले उल्लेख गरेको छ ।
सरकारले जोखिमपूर्ण अवस्था रहेको भन्दै सर्वसाधारणहरूलाई खोजी तथा उद्धार कार्यमा समावेश नहुन अपिल गरिएको छ ।
नोभा स्कोटिया क्षेत्रमा भएको भारी वर्षापछि दुई बालबालिकासहित चारजना बेपत्ता भएका बीबीसीले जनाएको छ ।
झण्डै ८० हजार मानिस विद्युत् सेवाबाट वञ्चित भएका छन् । यस वर्ष भारी वर्षा, औसत तापक्रम, समुद्रको तापमान लगायतका मौसमजन्य गतिविधिहरुमा एकैपटक नयाँ किर्तिमानीहरु बन्न थालेका छन् ।
यो विश्वकै लागि चुनौतीको विषय बन्दै गएको पनि वैज्ञानिकहरुले बताएका छन् ।
